Merci à tous pour la réussite de la fête de la paroisse Ste Nino de Paris , dimanche dernier, tant sur le point humain que financier et surtout artistique.

Un grand merci à Lazi ,à marani (garçon et fille) et à tous les autres anciens et modernes!

A bientôt dans notre petite chapelle(6/8 rue de la Rosiére)

Votre Mama Artchili

გოჩა ჯავახიშვილი

პარიზის წმინდა ნინოს სამრევლო ტრადიციულად შეიკრიბა შვედურ ეკლესიაში (ტრადიციულად უთმობს ამ დღეს დარბაზს ქართულ მართლმადიდებლურ სამრევლოს). ჩვენი ფრანგი ქართველები ამ ტრადიციას გულმოდგინედ ერთგულობენ. ერთმანეთს ახალ წელს ულოცავენ, ისტორიულ, ემიგრაციულ ეკლესიას ეხმარებიან, ბავშვებისთვის ტრადიციის გადაცემასთან ერთად ქართულ სადღეგრძელოს, ცეკვა-სიმღერას აზიარებენ, ხალისობენ და სიხარულთან ერთად დარდ-ვარამსაც უზიარებენ ერთმანეთს. ყველას სალაპარაკო, მთავარი თემა საქართველოა. მამა არჩილი ყველას უყვარს. სიყვარულისა და ერთგულების მოძღვარი, თავმდაბლობისა და მძიმე ჯვრის ღირსეულად ტარების დიდი მაგალითია. ამ ისტორიულ სამრევლოს სახელოვანი მოძღვრები ყავდა მათ შორის წმინდანად შერაცხული გრიგოლ ფერაძე, მამა მელიას სამაგალითოობასაც დღემდე იხსენებენ.

ძველი ქართული ემიგრაციის წარმომადგენელთა უმრავლესობას სტუდენტობის დროიდან ვიცნობ, მოდიან ტრადიციულად, კოხტად გამოწყობილნი, მოიყოლებენ ნუგბარსა და საკუთარი ხელით მომზადებულ ქართულ კერძებს, ერთად ჩამოჯდებიან სასაუბროდ. გაუნათდებათ ერთმანეთის ნახვის სიხარულით თვალები და ქართულ-ფრანგულად ჭუკჭუკებენ, ახლებს ძველების შესახებ მოუთხრობენ და ახალი ემიგრაციის, ახალი თაობის წარმატებებით ხარობენ. იციან, ქართველი ახალგაზრდებიუს წარმატება და თავისუფლება იყო მათი მშობლების სანუკვარი მიზანი და იმედი.

ამ ზეიმის ერთგული ბევრი მოგვაკლდა, ზეციურ საქართველოში შეუერთდნენ საქართველოს მფარველ ანგელოზებს. აქ დარჩენილები მათი ხსოვნის ვალდებულების განცდით, მადლიერი სიტყვით მივაგებთ პატივს